ماس كۇيدە كولىك جۇرگىزگەن ەلوردالىق 20 تاۋلىككە قامالدى

None
None
نۇر-سۇلتان. قازاقپارات - ەلوردانىڭ پوليتسيا قىزمەتكەرلەرى ماس كۇيدە كولىك ايداعان جۇرگىزۋشىنى ۇستادى.

سوت شەشىمىمەن ول 20 تاۋلىككە قاماۋعا الىندى، دەپ حابارلايدى قازاقپارات ءتىلشىسى.

«28-قىركۇيەك كۇنى ساعات 16.00-دە «102» نومىرىنە مومىش ۇلى مەن جۇمابايەۆ كوشەلەرىندە «Toyota Highlander» ماركالى اۆتوكولىكتىڭ جول ەرەجەسىن بىرنەشە رەت بۇزعانى تۋرالى حابارلاما كەلىپ ءتۇستى. وسى حابارلامادان كەيىن پوليتسيا قىزمەتكەرلەرى اتالمىش كولىككە مىنگەن جۇرگىزۋشىنى ابىلاي حان كوشەسىنەن ۇستادى. ول ماس بولعان. تەكسەرۋ كەزىندە جاس جىگىتتىڭ جۇرگىزۋشى كۋالىگى دە بولماعانى انىقتالدى»، - دەپ حابارلايدى ءى ءى م باسپا ءسوز قىزمەتى. زاڭ بۇزعان جۇرگىزۋشىگە قاتىستى اكىمشىلىك كودەكستىڭ بىرنەشە بابى (608-بابى 6-بولىگى، 599-بابى 1-بولىگى، 600-بابى 1-بولىگى، 596-بابى 1-بولىگى) بويىنشا اكىمشىلىك حاتتاما تولتىرىلعان. سوت شەشىمىمەن ول 20 تاۋلىككە قامالعان. كولىك كوممۋنالدىق ايىپ تۇراعىنا جەتكىزىلدى.

اۆتور: ايان بەكەن ۇلى


سوڭعى جاڭالىقتار