مارسقا 2050-جىلعا قاراي ميلليون ادام ۇشۋى مۇمكىن
قازىرگى ۋاقىتتا SpaceX كومپانياسى قايتا پايدالانۋعا بولاتىن Dragon Crew باسقارىلاتىن عارىش كەمەسىنىڭ قۇرىلىسىن جۇزەگە اسىرىپ جاتىر.
اتالعان عارىش كەمەسىنىڭ قۇرىلىسى مارستى وتارلاۋدىڭ كەڭ اۋقىمدى جوسپارىنىڭ ءبىر بولىگى بولىپ تابىلادى.
يلون ماسك اعىمداعى عاسىردىڭ ورتاسىنا قاراي مارسقا كۇنىنە ورتا ەسەپپەن ءۇش عارىش كەمەسىن ۇشىرۋدى كوزدەپ وتىر. ول Dragon Crew كەمەسىن جەتىلدىرىپ، ءبىر ۋاقىتتا بورتقا 100 ادام مەن 100 تونناعا دەيىن جۇك سىيدىرۋدى جوسپارلاۋدا.
ايتا كەتەيىك، 2019-جىلعى قىركۇيەكتە يلون ماسك عارىشكەرلەر مەن جۇكتەردى مارس پەن ايعا جەتكىزۋ ءۇشىن قايتا پايدالانۋعا بولاتىن عارىش كەمەسىنىڭ پروتوتيپىن ۇسىندى. عارىش اپپاراتى Starship اتاۋىنا يە بولدى.
ونىڭ ۇزىندىعى 50 مەتردى، ال سالماعى جانارماي مەن جۇكتى قوسپاعاندا، شامامەن 120 توننانى قۇرايدى. كەمەنى تانىستىرۋ كەزىندە يلون ماسك 100 ادامعا دەيىن تاسىمالداۋعا قاۋقارلى Starship ءتى مارس پەن ايدى وتارلاۋدىڭ باستى قۇرالى دەپ مالىمدەگەن ەدى.
سونداي-اق جاقىندا جاپوندىق ميللياردەر يۋساكۋ ماەدزاۆانىڭ وزىمەن بىرگە ايدى باعىندىرۋعا دايىن ارۋدى ىزدەستىرىپ، ارنايى بايقاۋ جاريالاعانىن حابارلاعانبىز.