وليمپيادا-2020: قازاقستان قورجىنىنا ەكىنشى مەدال ءتۇستى

ول 61 كەلى سالماقتا سىنعا ءتۇستى. وعان يۋلي يراۆان (يندونەزيا)، ابدۋراحيم الساليم (ساۋد ارابياسى)، كيم تۋان تاچ (ۆەتنام)، شوتا ميشۆەليدزە (گرۋزيا)، ەيچي يتوكازۋ (جاپونيا)، فابين لي (قىتاي)، چان- حۋن كاو (تايبەي)، داۆيدە رۋيۋ (يتاليا) قارسىلاس اتاندى.

قازاقستاندىق اۋىر اتلەت قوس سايىستىڭ ناتيجەسىمەن 294 (131+163) كەلىنى باعىندىردى. التىن مەدالعا قىتايلىق فابين لي مەن يندونەزيالىق يۋلي يراۆان تالاس جۇرگىزۋدە.

ايتا كەتەيىك، اۋىر اتلەتيكادان 55 كەلىدە قىزدار اراسىندا زۋلفيا چينشانلو ەل نامىسىن قورعايدى. بيىل ءدۇبىرلى دودادا 33 سپورت تۇرىنەن 339 مەدال جيىنتىعى ساراپقا سالىنادى. ايتۋلى الامانعا جەر بەتىندەگى 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كۇنشىعىس ەلىندە سپورتتىڭ 28 تۇرىنەن باق سىنايدى.

ەسكە سالساق، توكيو وليمپياداسى 23- شىلدەدە باستالدى. ول 8- تامىزدا مارەسىنە جەتەدى. بۇعان دەيىن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن، 28 كۇمىس، 64 قولا مەدال الدى.

اۆتور: ءادىلجان ۇمبەت