جىل سوڭىنا دەيىن 200 مىڭ جۇمىسسىز ادام جاڭا جۇمىسپەن قامتىلادى

None
None
نۇر-سۇلتان. قازاقپارات - ق ر پرەمەر-ءمينيسترى اسقار مامين ەلدەگى جۇمىسسىزدىقپەن كۇرەستىڭ جاڭا باعىتتارى تۋرالى ايتتى، دەپ حابارلايدى قازاقپارات ءتىلشىسى.

«بيىلعى 9 ايدىڭ قورىتىندىسى بويىنشا 1 ميلليوننان استام قازاقستاندىققا جۇمىسپەن قامتۋ شارالارى كورسەتىلدى. وسى جىلدىڭ سوڭىنا دەيىن قوسىمشا 200 مىڭ ادامدى قامتۋ جوسپارلانعان. اتالعان جوسپارلار ورىندالاتىن بولادى»، - دەدى پرەمەر- مينيستر ۇكىمەتتىڭ بۇگىنگى وتىرىسىندا.

ۇكىمەت باسشىسى قازىرگى كەزدە ەكونوميكانىڭ بارلىق سالالارى قالىپقا كەلىپ جاتقانىن اتاپ ءوتتى. بۇل شارالار جۇمىسسىزدىق دەڭگەيىنىڭ وسۋىنە جول بەرمەۋگە جانە ونى 4,9 پايىز دەڭگەيىندە ۇستاپ تۇرۋعا مۇمكىندىك بەرەدى.

«وتە ماڭىزدى ءبىر ماسەلە - تۇراقتى جۇمىس ورىندارىن قۇرۋ، بيىل كەمىندە 440 مىڭ جۇمىس ورنى قۇرىلۋى ءتيىس. اتىراۋ، قاراعاندى جانە قوستاناي وبلىستارىندا تۇراقتى جۇمىس ورىندارىن قۇرۋ بويىنشا جاقسى تاجىريبە بار. قالعان وڭىرلەر دە وسى باعىتتا جۇمىستى جانداندىرۋى ءتيىس»، - دەدى ا. مامين.

اۆتور: ايجان سەرىكجان قىزى

سوڭعى جاڭالىقتار