قىلمىس الەمىنىڭ سەركەسى «سەرىك- گولوۆا» 19 جىلعا سوتتالدى
سوت ۇكىمىنە سايكەس، سەرىك جامانايەۆ كىنالى دەپ تانىلىپ، 1,75 ميلليون تەڭگەسى، 6 مىڭ دوللارى جانە قىمبات اۆتوكولىگى تاركىلەنىپ 19 جىلعا باس بوستاندىعىنان ايىرىلدى.
«سەرىك- گولوۆا» قىلمىستىق-اتقارۋ جۇيەسىنىڭ توتەنشە قاۋىپسىزدىك مەكەمەسىندە 14 جىل وتىرادى. سودان كەيىن جازاسىن 5 جىل تولىق قاۋىپسىزدىك مەكەمەسىندە وتەيدى.
ايتا كەتەيىك، مەملەكەتتىك ايىپتاۋشى سەرىك جامانايەۆتى 262-باپتىڭ 2-بولىگى «ۇيىمداسقان توپ، قىلمىستىق ۇيىم قۇرۋ جانە وعان باسشىلىق ەتۋ، سول سياقتى ولارعا قاتىسۋ»، 194-باپتىڭ 4-بولىگىنىڭ 1-تارماعى «ادامدار توبى اسا ءىرى مولشەردە كۇش قولدانىپ جاساعان قورقىتىپ الۋشىلىق»، 106-باپتىڭ 3-بولىگى «ابايسىزدا ادام ولىمىنە اكەپ سوققان دەنساۋلىققا قاساقانا اۋىر زيان كەلتىرۋ» بويىنشا كىنالى دەپ تانۋدى سۇراعان ەدى.
جامانايەۆ 1996 -جىلى رەسەيدىڭ سوچي قالاسىندا «ۆور ۆ زاكونە» دەگەن مارتەبە العان. ول وتكەن جىلدىڭ اقپانىندا ۇ ق ك مەن ءى ءى م-نىڭ بىرلەسىپ جۇرگىزگەن وپەراتسياسى كەزىندە قولعا ءتۇستى.
اۆتور: الما مۇقانوۆا