18-قاڭتار. قازاقپارات كۇنتىزبەسى

None
None
نۇر- سۇلتان. قازاقپارات - قازاقپارات وقىرماندارىنا 2021 -جىلعى 18-قاڭتارعا ارنالعان كۇنتىزبەسىن ۇسىنادى.

ەستە قالار وقيعالار

1990 -جىلى كسرو جوعارعى كەڭەسى پرەزيديۋمىنىڭ «قازاق كسر- ىندە تۇراتىن كوپ بالالى انالارعا «باتىر انا» اتاعىن بەرۋ تۋرالى» جارلىعى جاريالاندى.

1992 -جىلى اۋستريا قازاقستان رەسپۋبليكاسىنىڭ تاۋەلسىزدىگىن مويىندادى.

2005 -جىلى ماسكەۋدە قازاقستان پرەزيدەنتى نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين قازاقستان- رەسەي مەملەكەتتىك شەكاراسى تۋرالى شارتقا قول قويدى. شەكارانىڭ جالپى قاشىقتىعى 7590 شاقىرىمدى قۇرايدى.

2006 -جىلى الماتىداعى م. اۋەزوۆ اتىنداعى قازاق اكادەميالىق دراما تەاترىندا تاريحي- تاعىلىمدىق «قازاقتار» دراماسىنىڭ پرەمەراسى بولدى. قويىلىمدا قازاق حالقىنىڭ ءوز الدىنا مەملەكەت بولىپ قالىپتاسۋ كەزەڭى ءسوز بولىپ، ال نەگىزگى يدەياسى - ءتۇبى دە، تەگى دە ءبىر تۇركى الەمىنىڭ الاساپىران مىنا زاماندا قايتا تۇتاسۋ ماقساتىن كوزدەيدى.

2011 -جىلى استانادا DVB- S2 ساندىق ستاندارتىندا تەلەراديو تاراتۋدىڭ ۇلتتىق سپۋتنيكتىك جەلىسىنىڭ ىسكە قوسىلۋ سالتاناتى ءوتتى. سپۋتنيك حابار تاراتۋدىڭ جاڭا جۇيەسى ەلدىڭ بارلىق تۇرعىندارىنا، سونىڭ ىشىندە شالعايدا ورنالاسقان اۋىلدىق ەلدى مەكەندەردىڭ سپۋتنيكتىك كانالدار ارقىلى 37 رەسپۋبليكالىق جانە وڭىرلىك تەلەراديوباعدارلاما قابىلداۋعا مۇمكىندىك تۋعىزدى.

2012 -جىلى الماتى مەتروپوليتەنىنىڭ ميلليونىنشى جولاۋشىسى بەلگىلى بولدى. ول - قالانىڭ 27 جاستاعى تۇرعىنى ءادىلجان پسيايەۆ بولىپ شىقتى. الماتى مەتروپوليتەنى 2011 -جىلدىڭ 1 -جەلتوقسانىندا ىسكە قوسىلعان.

2014 -جىلى الماتىدا ءابىلحان قاستەيەۆتىڭ مۇراجاي- ءۇيى اشىلدى. مۇراجاي سۋرەتشىنىڭ 1957-1973 -جىلدار ارالىعىندا ءوزى تۇرعان ۇيىندە ورنالاسقان. ونداعى جادىگەرلەر ءا. قاستەيەۆتىڭ ءوز قولىنان شىققان تۋىندىلارى مەن جەكە زاتتارى. سونىمەن قاتار مۇراجايعا ونىڭ سۋرەتتەرى مەن قۇجاتتارى قويىلعان.

2015 -جىلى لوندوننىڭ St. Luke's سوبورىندا تانىمال قازاق كومپوزيتورى ەركەش شاكەيەۆ شىعارمالارىنىڭ الەمدىك پرەمەراسى ءوتتى. كەش مارات بەيسەنعاليەۆ پەن لوندون سيمفونيالىق وركەسترىنىڭ سۇيەمەلدەۋىمەن ءوتتى.

2017 -جىلى «قازپوشتا» ا ق «ريو- دە- جانەيروداعى XV پاراليميپيادالىق ويىندار» تاقىرىبىمەن «سپورت» سەريالى پوشتا ماركالارىن اينالىمعا شىعاردى.

2018 -جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ءتوراعالىق ەتۋىمەن بىرىككەن ۇلتتار ۇيىمى قاۋىپسىزدىك كەڭەسىنىڭ وتىرىسى بولدى. قاۋىپسىزدىك كەڭەسىنىڭ ءماجىلىسى «جاپپاي قىرىپ- جوياتىن قارۋدى تاراتپاۋ: شارالار مەن سەنىم» دەگەن تاقىرىپپەن ءوتتى. قازاقستان كەڭەسكە ءتوراعا رەتىندە اتالعان شارانىڭ تۇجىرىمداماسىن ۇسىنىپ، ونى قك- ءنىڭ بارلىق مۇشەلەرى قولداعان بولاتىن. قۇجاتتا «بەيبىتشىلىك. XXI عاسىر» مانيفەسى جانە 2017 -جىلدىڭ 6-قاڭتارىنداعى «قازاقستاننىڭ قاۋىپسىز ءادىل، دامىعان الەم ءۇشىن جاھاندىق ارىپتەستىكتى نىعايتۋ جونىندەگى تۇجىرىمدى كوزقاراسى» اتتى ەكى قۇجات نەگىزگە الىنعان.

2018 -جىلى «قازاقستاننىڭ 100 جالپى ۇلتتىق قاسيەتتى جەرى» رەسپۋبليكالىق تىزىلىمىنە اقمولا وبلىسىنداعى 10 كيەلى ورىن ەنگىزىلدى. ولار: قۇماي ارحەولوگيالىق- ەتنوگرافيالىق كەشەنى، ابىلاي حان الاڭى، كەنەسارى ۇڭگىرى، باتىعاي كەسەنەسى، وقجەتپەس تاۋى، قابانباي باتىر كەسەنەسى، «بەسپاقىر» مازارى، باۋبەك باتىر مولاسى.

2019 -جىلى اتىراۋدا قازاق ءۇش بيىنە - تولە بي، قازىبەك بي، ايتەكە بيگە ەسكەرتكىش ورناتىلدى. مونۋمەنتتىڭ بيىكتىگى 4 مەتر، قولادان جاسالعان. ەسكەرتكىشتىڭ اۆتورى - تانىمال قازاقستاندىق ءمۇسىنشى باقىتبەك مۇحامەتجانوۆ.

سوڭعى جاڭالىقتار