جامبىل وبلىسىندا انىقتالعان 17 ادام كوروناۆيرۋستى قايدان جۇقتىرعانى ءمالىم بولدى

None
None
نۇر- سۇلتان. قازاقپارات - 5 - ءساۋىر كۇنى جامبىل وبلىسىندا كوروناۆيرۋس جۇقتىرعان 17 ادام انىقتالدى. سانيتارلىق- ەپيدەميولوگيالىق جاعدايدىڭ كۇشەيتىلگەن شاراسىنىڭ ارقاسىندا ناۋقاس ازاماتتار دەر كەزىندە انىقتالىپ، كارانتينگە جاتقىزىلدى،

دەپ حابارلايدى قازاقپارات coronavirus2020.kz سايتىنا سىلتەمە جاساپ.

جۇقتىرىلعان ىندەت سىرتتان اكەلىنگەن جانە ونى ناۋقاستارمەن بايلانىستا بولعاندار جۇقتىرىپ العان. ءتورت ناۋقاس ءۇندىستاننان كەلگەن رەيس جولاۋشىلارى. ۇشىپ كەلگەن جولاۋشىلار ارنايى اۆتوبۋسپەن مەديتسينا قىزمەتكەرلەرى مەن پوليتسيانىڭ باقىلاۋىمەن كارانتيندىك ستاتسيونارعا جەتكىزىلىپ، وقشاۋلاندى. لابوراتوريالىق زەرتتەۋ ناتيجەسى بويىنشا 1984، 1996، 1998، 2000 ج ج. تۋعان ءتورت جولاۋشىدان ينفەكسيا انىقتالدى.

قورداي اۋدانىندا ءۇش جاعداي تىركەلدى. 1975 جانە 1982 -جىلدارى تۋعان ەكى تۇرعىن نۇر- سۇلتان قالاسىنىڭ ۆيرۋس جۇقتىرعان تۇرعىنىمەن بايلانىستا بولعاندىقتان كارانتيندىك ستاتسيوناردا جاتقان بولاتىن. تاعى ءبىر ىندەت جۇقتىرعان 1999 -جىلعى ازاماتشا 23 - ناۋرىز كۇنى قوستاناي قالاسىنان «قوستاناي- الماتى» پويىزىمەن كەلگەن.

شەكارا پۋنكتەرىندەگى كۇشەيتىلگەن شارالارعا بايلانىستى قازاقستانعا كىرەتىن بارلىق ازامات كارانتيندىك ستاتسيونارعا جاتقىزىلادى، ونىڭ ىشىندە جۇك كولىگىنىڭ جۇرگىزۋشىلەرى دە بار. ناتيجەسىندە 10 ناۋقاس انىقتالدى. ولاردىڭ 4-ەۋى قىرعىزستان ازاماتى بولسا، 6-ۋى كورشىلەس ەلدەن جۇك تاسىعان قازاقستان تۇرعىنى. ناۋقاس ازاماتتاردىڭ بارلىعى ينفەكسيالىق ستاتسيونارعا جاتقىزىلدى. بايلانىستا بولعان ادامداردى انىقتاپ، وقشاۋلاۋ جانە تۇرعىلىقتى مەكەنجايى مەن ناۋقاستاردىڭ بارعان جەرلەرىن دەزينفەكسيالاۋ جۇمىستارى ءجۇرىپ جاتىر.

ەسكە سالا كەتسەك، كوروناۆيرۋس ينفەكسياسىنىڭ جاڭا جاعدايلارى تىركەلگەننەن كەيىن جامبىل وبلىسىنىڭ مەملەكەتتىك باس سانيتار دارىگەرىنىڭ بۇيرىعىمەن قورداي اۋدانى اۋماعىندا 2020 -جىلدىڭ 6 - ساۋىرىنەن باستاپ تۇرعىنداردىڭ قىزمەتى مەن ءومىر سالتىنا، شارۋاشىلىعىنا ەرەكشە ءتارتىپ ورناتاتىن كارانتين رەجىمىن ەنگىزۋ تۋرالى شەشىم قابىلداندى.

سوڭعى جاڭالىقتار