ۆاكسينا سالدىرعان 16 قازاقستاندىق كوروناۆيرۋس جۇقتىردى - دەنساۋلىق ساقتاۋ مينيسترلىگى

بۇل تۋرالى دەنساۋلىق ساقتاۋ مينيسترلىگىنىڭ سانيتارلىق- ەپيدەميولوگيالىق باقىلاۋ كوميتەتى رەسمي ساۋالعا بەرگەن جاۋابىندا ايتتى.

«قازىرگى ۋاقىتتا ۆاكسيناتسيادان كەيىن (ءبىرىنشى جانە ەكىنشى كەزەڭ) كوروناۆيرۋس ينفەكسياسىن جۇقتىرعان 16 جاعداي تىركەلدى. ۆاكسيناتسيادان كەيىن كوروناۆيرۋس جۇقتىرۋدىڭ ەڭ ۇزاق مەرزىمى ەكىنشى كومپونەنتىن سالدىرعاننان كەيىنگى ءتورتىنشى اپتادا تىركەلگەن»، - دەدى ۆەدومستۆو وكىلى.

ۆەدومستۆو كوروناۆيرۋس ينفەكسياسىنا قارسى ۆاكسيناتسيادان كەيىنگى يممۋنيتەت ۆاكسينانىڭ ەكىنشى كومپونەنتىن العان ساتتەن باستاپ التى اپتادان كەيىن قالىپتاساتىنىن ايتتى.

بۇعان دەيىن الماتىدا ۆاكسينا سالدىرعان دارىگەر كوروناۆيرۋس جۇقتىرعانى حابارلانعان ەدى. الايدا ول جۇقتىرۋ قاۋپى تۋرالى بىلگەنىن ايتتى جانە ءالى دە ۆاكسينا سالدىرۋدى ۇسىنادى.

مەديتسينا دوكتورى، بيولوگ جانە Medsupportkz باسشىسى بوتاگوز كاۋكەنوۆانىڭ ايتۋىنشا، ۆاكسيناتسيادان كەيىن، مىسالى، ۆاكسيناتسيا جاسالعان كۇنى دە اۋىرىپ قالۋ مۇمكىندىگى بار.

«ۆاكسينادا انتيدەنەلەر جوق. ولاردى ۆاكسيناعا جاۋاپ رەتىندە ءسىزدىڭ اعزاڭىز جاسايدى. انتيدەنەلەر جاساۋ ءۇشىن دەنەگە ۋاقىت قاجەت. بۇل ادەتتە 2-3 اپتاعا سوزىلادى. «سپۋتنيك V» ءبىرىنشى دوزاسىنان كەيىن 3 اپتادان كەيىن ەكىنشى دوزانى سالدىرۋ كەرەك. ودان كەيىن 2-3 اپتادان سوڭ دەنەدە انتيدەنەلەردىڭ جاقسى دەڭگەيى پايدا بولادى»، - دەپ ءتۇسىندىردى ول.

Tengrinews.kz