قازاقپارات كۇنتىزبەسى: 16- قاڭتار

اتاۋلى كۇندەر حالىقارالىق «The Beatles» كۇنى

بۇكىل الەمگە تانىمال ليۆەرپۋلدىك «بيتلز» توبىنىڭ كۇنى يۋنەسكونىڭ شەشىمىمەن 2001-جىلدان بەرى اتاپ وتىلەدى. ءدال وسى كۇنى 1957-جىلى ليۆەرپۋلدە The Cavern كلۋبى اشىلىپ، وندا اتى اڭىزعا اينالعان انشىلەر العاش ونەرىن كورسەتكەن. ارينە، ول كەزدە «ايگىلى تورتتىك» بىرگە ەمەس، ءارتۇرلى توپتا بولعان ەدى.

مۋزىكانتتار تەك 1961-جىلى بىرىگىپ، كلۋب ساحناسىنا The Beatles اتاۋىمەن شىقتى. ول كەزدە توپتا دجون لەننون، پول ماككارتني مەن دجوردج حارريسون بولدى. بىرنەشە جىلدان سوڭ ولاردىڭ قاتارىنا «بيتل»- دىڭ تاعى ءبىرى - رينگو ستارر دا قوسىلدى.

ەستە قالار وقيعالار

1992-جىلى شۆەتسيا كورولدىگى قازاقستان رەسپۋبليكاسىنىڭ تاۋەلسىزدىگىن مويىندادى. ال وسى جىلدىڭ 7- ساۋىرىندە ەكى ەل اراسىندا ديپلوماتيالىق قاتىناس ورنادى.

1993 -جىلى قازاقستان رەسپۋبليكاسىنىڭ مەملەكەتتىك شەكاراسىن قورعاۋ سالاسىنداعى قوعامدىق قاتىناستاردى رەتتەيتىن «قازاقستان رەسپۋبليكاسىنىڭ مەملەكەتتىك شەكاراسى تۋرالى» زاڭى قابىلداندى.

2006 -جىلى ق. ي. ساتپايەۆ (قاز ۇ ت ۋ) عالىمدارى ادام جاسۋشاسى مەن تىنىندەگى ءتۇرلى زاتتاردىڭ قۇرىلىمىن زەرتتەيتىن بىرەگەي اپپاراتتىق-باعدارلامالىق كەشەن جاسادى.

اۆتوماتتاندىرىلعان كەشەن جىلدامدىقتى بىرنەشە رەت ۇلعايتىپ، مەديتسينالىق دياگنوستيكا ساپاسىن جوعارى دارەجەگە كوتەرەدى.

2008 -جىلى الماتىداعى ق ر عىلىم اكادەمياسى عيماراتىنىڭ الدىندا عۇلاما عالىم، اكادەميك الكەي مارعۇلان ەسكەرتكىشىنىڭ اشىلۋ سالتاناتى بولدى. الكەي مارعۇلان - ءبىرتۋار، قايتالانباس تۇلعا. اسىرەسە، ونىڭ ەلىمىزدىڭ تاريحىنا، كونە ءداۋىردى زەرتتەۋ مەن ەتنوگرافيانى دامىتۋعا قوسقان ۇلەسى ۇشان-تەڭىز.

2013 -جىلى قازاقستان رەسپۋبليكاسىنىڭ شۆەتسيا كورولدىگىمەن ديپلوماتيالىق قاتىناستارىن نىعايتۋ ماقساتىندا مەملەكەت باسشىسى «شۆەتسيا كورولدىگىندە قازاقستان رەسپۋبليكاسىنىڭ ەلشىلىگىن اشۋ تۋرالى» جارلىققا قول قويدى.

2013 -جىلى «Samruk-Green Energy» ج ش س (سامۇرىق- ەنەرگو» ا ق- نىڭ 100 پايىزدىق ەنشىلەس كومپانياسى) جەلەنەرگەتيكاسى ەۋروپالىق قاۋىمداستىعىنىڭ/European wind energy association (EWEA) مۇشەلىگىنە وتكەن العاشقى قازاقستاندىق كومپانيا بولدى.

2014 -جىلى نەمىستىڭ Lambert Academic Publishing باسپاسى پاۆلودار پەداگوگيكالىق ينستيتۋتىنىڭ پەداگوگيكا كافەدراسىنىڭ اعا وقىتۋشىسى باۋىرجان نۇرىموۆتىڭ «وقۋشىلاردىڭ ەستەتيكالىق قۇندىلىقتارىنىڭ دامۋ ەرەكشەلىكتەرى» كىتابى جارىققا شىعاردى. كىتاپ ۇلتتىق كىتاپحانانىڭ «نەمىس كىتاپ كاتالوگىنە» ەنگىزىلىپ، ا ق ش جانە ەۋروپا ەلدەرىندە تاراتۋ قۇقىنا يە بولدى.

2015 -جىلى الماتى قالاسى يسلام ءبىلىم، عىلىم جانە مادەنيەت ماسەلەلەرى ۇيىمى (يسەسكو) اياسىندا يسلام مادەنيەتىنىڭ استاناسى بولدى. يسلام مادەنيەتى استاناسىنىڭ كىلتىن تابىستاۋ سالتاناتى قىرعىزستان استاناسى بىشكەك قالاسىندا ءوتتى.

2015 -جىلى شىمكەنت قالاسىنىڭ 2200 جىلدىعىن راستاۋ ءۇشىن يۋنەسكوعا ءوتىنىش بەرىلدى. يۋنەسكوعا بەرىلگەن ءوتىنىش - قازاقستان، فرانسيا، كانادا، بەلگيا، ۇلى بريتانيا، رەسەيدەن كەلگەن عالىمداردىڭ، سونداي-اق، يۋنەسكو وكىلدەرىنىڭ قاتىسۋىمەن وتكەن «شىمكەنت-2200 -جىلدىق تاريح» اتتى حالىقارالىق كونفەرەنسيانىڭ ناتيجەلەرى بويىنشا قول قويىلعان قارار نەگىزىندە جاسالعان. ەگەر، شىمكەنتتىڭ 2200 -جىلدىعى الەمدىك دەڭگەيدە مويىندالاتىن بولسا، وندا شىمكەنت قازاقستاننىڭ ەڭ كونە قالاسىنا اينالماق.

2016 -جىلى قىتاي باستاماسىمەن ازياداعى ەكونوميكالىق دامۋ، الەۋەتتى ارتتىرۋ جانە ينفراقۇرىلىمدى جاقسارتۋعا جاردەمدەسۋ ماقساتىندا ازيا ينفراقۇرىلىمدىق ينۆەستيتسيالاردىڭ بانكى قۇرىلدى. ونىڭ جارعىلىق كاپيتالى 100 ميلليارد دوللاردى قۇرايدى.

بانك مىناداي قارجىلىق قىزمەتتەردى ۇسىنادى: كرەديتتەۋ، كاپيتالعا قاتىسۋ، كەپىلدىك ۇسىنۋ، تەحنيكالىق كومەك. اييب بەكىتۋ تۋرالى كەلىسىمگە 57 مۇشە- ەل قول قويدى. ونىڭ ىشىندە قازاقستان دا بار. 13 مامىردا بەيجىڭ قالاسىندا اييب باسقارۋشىلار كەڭەسى بانكتىڭ قۇرامىنا 7 جاڭا مۇشەسىن قابىلداۋدى ماقۇلداعانىن جاريا ەتتى. وسىلايشا ا ي ي ب مۇشەلەر سانى 77 گە دەيىن ۇلعايدى.

2017 -جىلى ءابۋ-دابيدەگى دۇنيەجۇزىلىك «بولاشاقتىڭ ەنەرگياسى» سامميتىندە (World Future Energy Summit) «Zyed Future Energy Prize « حالىقارالىق سىيلىعىن سالتاناتتى تۇردە تابىستاۋ ءراسىمى ءوتتى. شارا بارىسىندا نۇرسۇلتان نازاربايەۆ پەن امىرلىكتىڭ تاق مۇراگەرى شەيح مۇحاممەد بەن زايد ءال ناحايان سىيلىقتاردى اۋستراليا Huanville Highschool) مەن يندونەزيا (Green Bali School) مەكتەپ وقۋشىلارىنا تاپسىردى.

2018 -جىلى ر ف ياروسلاۆ وبلىسىنىڭ ۆياتسكوە ەلدى مەكەنىندەگى مەكتەپتە كەڭەس وداعىنىڭ باتىرى، مەرگەن ءاليا مولداعۇلوۆاعا ارناپ ەسكەرتكىش تاقتا ورناتىلدى. باتىر قىز لەنينگرادتاعى بالالار ۇيىمەن بىرگە 1942 -جىلى ۆياتسكوە سەلوسىنا ەۆاكۋاتسيالانىپ، جەتى اي سوندا تۇردى، جەرگىلىكتى مەكتەپتە وقىدى.

2019 -جىلى «جاھانداعى زاماناۋي قازاقستاندىق مادەنيەت» جوباسى اياسىندا ب ۇ ۇ- نىڭ 6 تىلىنە اۋدارىلعان قازىرگى قازاق ادەبيەتى انتولوگياسىنىڭ العاشقى كىتابى باسىلىپ شىقتى. پوەزيا جانە پروزا جيناقتارىنىڭ تانىستىرىلىمىنا وسى جوباعا قاتىسقان ۇلى بريتانيا، يسپانيا، فرانسيا، رەسەي، قىتاي جانە ەگيپەت اۋدارماشىلارى مەن ادەبيەتشىلەرى، اۋدارما جانە باسپا ۇيىمدارىنىڭ باسشىلارى، شىعارمالارى قازىرگى قازاق ادەبيەتى انتولوگياسىنا ەنگەن اۆتورلار قاتىستى.

بۇل جوبا تاۋەلسىزدىك جىلدارىنداعى قازاق ادەبيەتى مەن مادەنيەتى، مۋزىكاسى مەن بەينەلەۋ ونەرىن، حورەوگرافيا، كينو جانە تەاتر سالاسىنداعى جەتىستىكتەرىن الەمگە تانىتۋدى ماقسات ەتەدى.