قازگيدرومەت 16- قاڭتاردا اۋا رايى قانداي بولاتىنىن جاريالادى

ەلىمىزدىڭ باتىس اۋماعىنا قارا تەڭىز اۋدانىنان كەلەتىن تسيكلون ءوز اسەرىن تيگىزەدى. سونىڭ سالدارىنان قار مەن جاڭبىر جاۋادى. ال رەسپۋبليكانىڭ شىعىسى نوۆوسىبىردەن كەلگەن انتيتسيكلون ىقپالىندا بولادى. وسىعان بايلانىستى جاۋىن-شاشىن جاۋمايدى.

رەسپۋبليكانىڭ كەي جەرلەرىندە تۇمان تۇسەدى، كوكتايعاق بولادى. جەل كۇشەيىپ، جاياۋ بۇرقاسىن كوتەرىلەدى.

الماتى وبلىسىنىڭ تۇندە جانە تاڭەرتەڭ كەي جەرلەرىندە تۇمان كۇتىلەدى، الاكول اۋدانىندا جەل 20-25، ەكپىنى 30 م/س كۇشەيەدى.

جامبىل، اتىراۋ وبلىستارىنىڭ كەي جەرلەرىندە تۇمان، كوكتايعاق، جەلدىڭ كۇشى - 15-20 م/س. جامبىل وبلىسىندا ەكپىنى 23-28 م/س جەتەدى.

باتىس قازاقستان وبلىسىنىڭ كەي جەرلەرىندە تۇمان، كوكتايعاق، بۇرقاسىن كۇتىلەدى، جەلدىڭ كۇشى 15-20، كۇندىز ەكپىنى 25 م/س كۇشەيەدى.

قاراعاندى وبلىسىنىڭ كەي جەرلەرىندە تۇمان كۇتىلەدى، جەلدىڭ كۇشى 15-20، ەكپىنى 23 م/س جەتەدى.

تۇركىستان وبلىسىنىڭ كەي جەرلەرىندە تۇمان، جاياۋ بۇرقاسىن كۇتىلەدى، جەل 15-20 م/س كۇشەيەدى.

اقتوبە وبلىسىنىڭ كەي جەرلەرىندە تۇمان، كوكتايعاق كۇتىلەدى، جەل 18 م/س، تۇندە مۇعالجار اۋدانىندا ەكپىنى 23 م/س كۇشەيەدى.

قوستاناي وبلىسىنىڭ كەي جەرلەرىندە جاياۋ بۇرقاسىن كۇتىلەدى، جەل 15-20 م/س كۇشەيەدى، كۇندىز - كوكتايعاق.

سولتۇستىك قازاقستان وبلىسىنىڭ كەي جەرلەرىندە تۇمان كۇتىلەدى، جەل 15-20 م/س كۇشەيەدى، كۇندىز - جاياۋ بۇرقاسىن.

اقمولا، قىزىلوردا وبلىستارىنىڭ كەي جەرلەرىندە جەل 15-20 م/س، اقمولا وبلىسىندا جاياۋ بۇرقاسىنمەن بىرگە كۇتىلەدى.

ماڭعىستاۋ وبلىسىنىڭ كەي جەرلەرىندە تۇمان، كوكتايعاق كۇتىلەدى، تۇندە جەل 15-20 م/س كۇشەيەدى.

شىعىس قازاقستان وبلىسىنىڭ كەي جەرلەرىندە تۇمان كۇتىلەدى.