20:03, 06 - ءساۋىر 2020 | GMT +6
الەمنىڭ 167 ەلى قاشىقتان ءبىلىم بەرۋگە كوشتى
نۇر- سۇلتان. قازاقپارات - جازدا بالالار ادەتتەگىدەي دەمالىسقا شىعادى. بۇل تۋرالى ورتالىق كوممۋنيكاتسيالار ورتالىعىندا «توتەنشە جاعداي كەزىندە قاشىقتان وقىتۋدىڭ جاڭا فورماتتارى» تاقىرىبىندا وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.
«قازىرگى ۋاقىتتا بالالار مەكتەپتەرىن، ۇستازدارىن ساعىنىپ جۇرگەنىن كورىپ وتىرمىز. جالپى ەلىمىز بويىنشا ۇستازداردىڭ ورنى، ۇستازداردىڭ قادىرى قاتتى ءبىلىنىپ جاتىر. ءبىراز ۋاقىتتان كەيىن بۇل دا اياقتالىپ، ءداستۇرلى رەجيمگە ورالامىز»، - دەيدى ق ر ءبىلىم جانە عىلىم ءمينيسترى اسحات ايماعامبەتوۆ.
مينيستر الەمدە قانشا مەملەكەت قاشىقتان وقۋعا كوشكەنىن ايتتى. «الەمنىڭ 167 ەلى، سونىڭ ىشىندە قازاقستان رەسپۋبليكاسى دا قاشىقتان ءبىلىم بەرۋگە كوشتى. قازاقستاندا وقۋ پروتسەسى كەيىنگە، اتاپ ايتقاندا، جاز مەزگىلىنە شەگەرىلمەيدى. جازدا بالالار ادەتتەگىدەي دەمالىسقا شىعادى»، - دەپ اتاپ ءوتتى مينيستر.
اۆتور: زارينا قاھارمان