شىعىس قازاقستاندا 14 جاسار بالا كوروناۆيرۋس جۇقتىرعان

None
None
سەمەي. قازاقپارات - شىعىس قازاقستان وبلىسىندا كوروناۆيرۋستى جۇقتىرعان بەسىنشى ادام سەمەي قالاسىنىڭ تۇرعىنى بولىپ شىقتى، دەپ حابارلايدى قازاقپارات.

ايتا كەتەيىك، بۇگىن ەلىمىزدىڭ 3 وبلىسىندا كورناۆيرۋس جۇقتىرۋدىڭ 20 جاعدايى تىركەلگەندىگى ءمالىم بولدى. ونىڭ ىشىندە شىعىس قازاقستان وبلىسىنان قاۋىپتى ۆيرۋستى 1 ادام جۇقتىرعان بولاتىن. ش ق و دەنساۋلىق ساقتاۋ باسقارماسىنىڭ باسشىسى ءىلياس مۇحامەدجاننىڭ ايتۋىنشا، ول 2006 -جىلى تۋعان سەمەي قالاسىنىڭ تۇرعىنى.

«ناۋقاس 30 - ناۋرىزدان باستاپ اۋىرعان. بويىن السىزدىك بيلەپ، قۇرعاق جوتەل پايدا بولىپ، دەنە قىزۋى 38 گرادۋسقا دەيىن كوتەرىلگەن. 3 - ءساۋىر كۇنى وعان رەنتگەنوگرافيالىق تەكسەرۋ جۇرگىزىلدى. قورىتىندىسى بويىنشا پاتسيەنتكە «پنيەۆمونيا» دياگنوزى قويىلعان. الگوريتم بويىنشا ول كوروناۆيرۋسعا دا تەكسەرىلدى. الىنعان سىناما ناتيجەسى وڭ بولىپ شىقتى»، - دەيدى ول.

جۇقپالى دەرتكە شالدىققان بالا جانە ونىڭ وتباسى مۇشەلەرى، جاقىن تۋىستارى باسقا ەلگە شىقپاعان. «قازىرگى ۋاقىتتا ناۋقاستىڭ جاعدايى ورتاشا. ونىمەن بايلانىستا بولعان 51 ادام انىقتالىپ وتىر. ولاردىڭ بارلىعى وقشاۋلاندى. پاتسيەنتتىڭ تۇرعىلىقتى جەرى بويىنشا دەزينفەكسيا جۇمىستارى جۇرگىزىلدى»، - دەيدى ءىلياس مۇحامەدجان.

اۆتور: تالعاتجان مۇحامەتبەك ۇلى

سوڭعى جاڭالىقتار