20:29, 30 - قىركۇيەك 2020 | GMT +6
ەلوردادا ينتيمدىك قىزمەت كورسەتەتىن 13 قىز پوليتسياعا جەتكىزىلدى
نۇر-سۇلتان. قازاقپارات - ەلوردا پوليتسياسى ينتيمدىك، بودي-ماسساج جانە جەڭگەتايلىق قىزمەت كورسەتەتىن تۇلعالاردى انىقتاۋعا باعىتتالعان رەيدتىك شارالار وتكىزدى، دەپ حابارلايدى قازاقپارات ءتىلشىسى.
شارا بارىسىندا پوليتسەيلەر ءبىرجان سال كوشەسى بويىنان جىنىستىق قىزمەت كورسەتۋ ءۇشىن قىزدار ۇسىنعان ايەلدى جەڭگەتايلىق فاكتىسى بويىنشا ۇستادى. سونداي-اق تەكسەرۋ جۇمىستارىن جۇرگىزۋ بارىسىندا قالاداعى تۇرعىن ءۇي كەشەندەرىنىڭ بىرىنەن قىزدار ينتيمدىك قىزمەت كورسەتىپ كەلگەن ماسساج سالونى مەن پاتەر انىقتالدى.
«پوليتسياعا 20 مەن 29 جاس ارالىعىنداعى 13 قىز جەتكىزىلدى. جەزوكشەلىكپەن اينالىسۋعا ءۇي-جاي بەرگەن جىلجىمايتىن مۇلىك يەلەرىنە قاتىستى 6 اكىمشىلىك حاتتاما تولتىرىلدى»، - دەلىنگەن نۇر-سۇلتان قالالىق پوليتسيا دەپارتامەنتى تاراتقان اقپاراتتا.