22:03, 07 - شىلدە 2020 | GMT +6
اقمولا وبلىسىندا 12 ادام الكوگولدەن ۋلانىپ كوز جۇمدى
نۇر- سۇلتان. قازاقپارات - اقمولا وبلىسىندا سۋرروگاتتىق الكوگولدەن كوز جۇمعاندار سانى ارتتى. بۇل تۋرالى وبلىستىڭ تاۋارلار مەن كورسەتىلەتىن قىزمەتتەردىڭ ساپاسىن باقىلاۋ جانە قاۋىپسىزدىك دەپارتامەنتىنىڭ باسپا ءسوز قىزمەتى حابارلايدى.
اقمولا وبلىسىندا سۋرروگاتتىق الكوگولدەن ۋلانعاندار سانى 18 ادامعا جەتتى. 12 ادام كوز جۇمىپ، التاۋى اۋرۋحانادا جاتىر. ولار قازىر اتباسار جانە جاقسى اۋداندىق اۋرۋحانالارىنىڭ جانساقتاۋ بولىمىندە اۋىر حالدە جاتىر.
تەرگەۋ بارىسىندا 29 - ماۋسىم كۇنى اتباساردا تۇراتىن 1990 -جىلعى ازامات 1988 -جىلعى پەتروپاۆل تۇرعىنىنان 5 توننا ەتيل سپيرتىن ساتىپ العان. اتباسارعا جەتكەن سوڭ ول سپيرتتى 5 ليترلىك بوتەلكەلەرگە قۇيىپ العان. ءتارتىپ ساقشىلارى جاسىرىن سەحتى انىقتاپ، 3 كۇدىكتىنى قولعا ءتۇسىردى.