شىمكەنتتەگى 11 جاستاعى وقۋشىدان كوروناۆيرۋس انىقتالدى

بۇل تۋرالى ءبىلىم باسقارماسىنىڭ باسشىلىعى وتكىزگەن بريفينگتە ءمالىم بولدى، دەپ حابارلايدى قازاقپارات ءتىلشىسى.

باسقارما باسشىلىعىنىڭ مالىمەتىنشە، ىندەت جۇقتىرعان بالا قالاداعى №54-مەكتەپتە 5-سىنىپتا قاشىقتان وقيدى.

«اتا-انالاردىڭ ءوتىنىشىن قارايتىن بولامىز. سونىڭ نەگىزىندە شەشىم شىعارىلادى. قازىر مەكتەپتەردەگى سىنىپتاردا بارلىق سانيتارلىق تالاپتار ساقتالىپ وتىر. قازان ايىنان باستاپ كەزەكشى سىنىپتار سانى ازايۋى مۇمكىن»، - دەيدى قالالىق ءبىلىم باسقارماسىنىڭ باسشىسى جانات تاجيەۆا. قازىر قالاداعى وقۋشىلاردىڭ 22 پايىزى اتا-انالاردىڭ ءوتىنىشى بويىنشا ءداستۇرلى ءبىلىم بەرۋ جۇيەسىمەن وقيدى. قالعانى قاشىقتان ءبىلىم الىپ ءجۇر. دەسە دە پاندەمياعا بايلانىستى ۇيدە وقۋعا ءماجبۇر بولعان بالالاردىڭ قاجەتتىلىكتەرى ءالى كۇنگە تولىقتاي شەشىلمەگەن. شاكىرتتەردىڭ 31 مىڭنان استامى ينتەرنەتكە، 37 مىڭدايى كومپيۋتەرگە مۇقتاج. قازىر وقۋشىلارعا تارتالىعان كومپيۋتەرلەردىڭ سانى 33840.