ت ج م: قازاقستاننىڭ 10 پايىزىن ءالى دە قار باسىپ جاتىر
«قار جامىلعىسىنىڭ جاي- كۇيى تۋرالى ايتار بولساق، قازاقستان اۋماعىندا اقپاننىڭ اياعىندا جانە ناۋرىزدىڭ باسىندا اۋا رايى ناشارلادى جانە ەلىمىزدىڭ شامامەن % 10 ىن ءالى دە قار باسىپ جاتىر. بۇل نەگىزىنەن اقمولا، سولتۇستىك قازاقستان، ءىشىنارا قوستاناي وبلىستارى جانە شىعىس قازاقستان جانە الماتى وبلىستارىنىڭ تاۋلى اۋداندارى»، - دەدى مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
مينيستر اقپان ايىنىڭ باسىنان باستاپ تج جونىندەگى كوميسسيا وتىرىستارى، ونىڭ ىشىندە ۇكىمەت وتىرىستارى وتكەنىن، وندا ناقتى ءىس- شارالار ايقىندالعانىن جانە الداعى سۋ تاسقىنى كەزەڭىنە دايىندىق جۇمىستارى بويىنشا تاپسىرمالار بەرىلگەنىن ايتتى.
«الدىن الا جاسالعان جۇمىستار بۇگىنگى كۇنى ەلدى مەكەندەردى سۋ باسۋ قاۋىپتەرى بارىنشا ازايتىلعان دەپ ايتۋعا مۇمكىندىك بەرەدى»، - دەدى يۋري يلين. بۇعان دەيىن توتەنشە جاعدايلار ءمينيسترى ەلىمىزدە 46 ءۇي مەن 67 اۆتوجولدى سۋ باسقانىن ايتقان ەدى. سونىمەن بىرگە تۇركىستان وبلىسىندا سۋ بوگەتىن ساپاسىز جوندەۋ كەسىرىنەن 4 ەلدى مەكەندى سۋ الا جازدادى.