ازىق- تۇلىك باعاسىن كوتەرگەندەرگە 100 ا ە ك كولەمىندە ايىپپۇل سالىنادى

ونىڭ ايتۋىنشا، قول جەتىمدى 64 ءتۇرلى ازىق- تۇلىك تاۋارلارىنىڭ 19نىڭ الەۋمەتتىك ماڭىزى بار. ونىڭ 9 نا شەكتى باعا بەكىتىلگەن.

«الماتىدا كۇرىشتىڭ شەكتى باعاسى - 310 تەڭگە، ءبىرىنشى سۇرىپتى ءبيداي ۇنىنىڭ 1 كەلىسى - 211, قاراقۇمىق - 209, ءبىرىنشى سۇرىپتى ءبيداي ۇنىنان جاسالعان نان - 80 تەڭگەدەن اسپاۋ كەرەك، كەسپە - 209 تەڭگە، قوي ەتى - 2169, جۇمىرتقانىڭ 10 داناسى - 367, كۇنباعىس مايىنىڭ 1 ءليترى - 434, تۇز - 59 تەڭگە بولىپ بەكىتىلگەن» ، - دەيدى ەركەبۇلان ورازالين سونىمەن قاتار، ول الماتى اۋماعىنداعى ءىرى جانە شاعىن دۇكەندەردە كورسەتىلگەن وسى تاۋارلاردىڭ باعاسىنان اسىرىپ ساتۋعا رۇقسات ەتىلمەيتىنىن ايتتى.

«الماتى اكىمى قالاداعى اۋداندىق اكىمدىكتەرگە باعانى باقىلاۋ بويىنشا تاپسىرما بەردى. بۇگىن بۇل ماسەلە بويىنشا كوميسسيا قۇرىلدى. ونىڭ قاتارىنا زاڭگەر، پوليتسيا، كاسىپكەرلىك ءبولىنىمىنىڭ ماماندارى جانە اۋداندىق كىرىستەر دەپارتامەنتىنىڭ وكىلدەرى ەنىپ وتىر. ولار كۇندەلىكتى قالاداعى ازىق- تۇلىك دۇكەندەرىنە بارىپ، باعالاردى باقىلاپ وتىرادى، - دەيدى ول. ونىڭ ايتۋىنشا، ارنايى قۇرىلعان كوميسسيا مۇشەلەرى قالاداعى ءىرى سۋپەرماركەتتەرگە بارىپ، بەكىتىلگەن 9 تاۋار ءتۇرى بويىنشا باعانى اسىرماۋ جونىندە ەسكەرتۋ جاساعان. «وسى ەكەرتۋلەردەن كەيىن، زاڭ بۇزۋشىلىق انىقتاسا. ازىق- تۇلىك دۇكەن يەلەرىنە 100 ا ە ك كولەمىندە ايىپپۇل سالىنادى» ، - دەيدى باسقارما باسشىسى.