19:02, 07 - ءساۋىر 2020 | GMT +6
الماتىعا «ءبىز بىرگەمىز» قورى قوسىمشا 1,2 ميلليارد تەڭگە بولەدى
الماتى. قازاقپارات - «Birgemiz» قورى الماتىدا الەۋمەتتىك تۇرعىدان از قامتىلعان تۇرعىنداردى قولداۋعا قوسىمشا 1 ميلليارد 200 ميلليون تەڭگە بولەدى.
بۇل تۋرالى ونلاين- بريفينگ بارىسىندا قالالىق الەۋمەتتىك ءال- اۋقات باسقارماسىنىڭ باسشىسى راحات شيماشيەۆا ايتتى، دەپ حابارلايدى قازاقپارات ءتىلشىسى.
«ەلباسىنىڭ باستاماسىمەن قۇرىلعان «Birgemiz»قوعامدىق قورى الەۋمەتتىك تۇرعىدان از قامتىلعان تۇرعىنداردى قولداۋعا 1 ميلليارد 200 ميلليون تەڭگە بولمەك. 23 مىڭنان اسا الەۋمەتتىك تۇرعىدان از قامتىلعان وتباسىعا 50 مىڭ تەڭگەدەن اسا كومەك كورسەتىلەدى. ولار 1-توپ مۇگەدەكتەرى، مۇگەدەك بالا باعىپ وتىرعان اتا- انالار، كوپبالالى انالار»، - دەدى راحات شيماشيەۆا.
سونىمەن قاتار، «جاڭا الاتاۋ» قورى مەن «نۇر وتان» پارتياسى تاراپىنان ازىرلەنگەن ازىق- تۇلىك سەبەتىن 5 مىڭعا جۋىق تۇرعىن الدى. كۇنىنە وسىنداي 400-500 سەبەت تاراتىلادى.